Tanzaniyada şəkər zavodunda partlayış nəticəsində 11 nəfər ölüb
Bakı, 24 may, AZƏRTAC
Tanzaniyanın şərqindəki Moroqoro bölgəsində şəkər zavodunda partlayış və yanğın nəticəsində 11 nəfər həlak olub, iki nəfər isə ağır yaralanıb.
AZƏRTAC xəbər verir ki, yerli hakimiyyət orqanlarının və xilasedicilərin ilkin məlumatına görə, hadisəyə buxarötürücü borunun partlaması səbəb olub. Partlayış texniki işçilərin şəkər istehsalı üçün yeni sabit istilik sistemlərindən birini sınaqdan keçirdikləri zaman baş verib.
Hadisədən sonra zavodun fəaliyyəti dayandırılıb. Tanzaniya yanğın və xilasetmə qüvvələri tərəfindən araşdırma başladılıb.
Rəsmilər partlayış nəticəsində dəymiş ziyanın aradan qaldırılmasında hökumət dəstəyi vəd ediblər.
Bölmənin digər xəbərləri
