TARLALARIMIZDA YAPON QRANTI İLƏ ALINMIŞ TEXNİKA İŞLƏYİR
Kənd Təsərrüfatı Nazirliyindən AZƏRTAC-ın müxbirinə bildirmişlər ki, lazımi texnikanı almaq üçün Yaponiya hökuməti Azərbaycana qrant ayırır. Həmin vəsait hesabına alınmış taxılyığan kombayn, traktor, kotan, mala, taxılsəpən fermerlərə 4 il müddətinə icarəyə verilir. Hazırda respublikanın bölgələrində 65,1 milyard manatlıq 773 ədəd müxtəlif kənd təsərrüfatı texnikası vardır. Bu texnika 43 rayonda 307 hüquqi və fiziki şəxsə icarəyə verilmişdir. İndi əsas məqsəd “Azərbaycan Respublikasında sosial-iqtisadi inkişafın sürətləndirilməsi tədbirləri haqqında” Azərbaycan Respublikası prezidentinin 24 noyabr 2003-cü il tarixli Fərmanına əməl edərək yerlərdə texniki servis mərkəzlərinin təşkilini tezləşdirmək, fermerlərin texnika ilə daha böyük həcmdə təmin edilməsinə nail olmaqdır.
Bölmənin digər xəbərləri
