Taro Kono Yaponiyanın ABŞ-İran münasibətlərinin nizamlanması istiqamətindəki fəaliyyətindən danışıb
Tokio, 6 iyun, AZƏRTAC
Yaponiyanın Xarici İşlər naziri Taro Kono bildirib ki, ölkəsi həm ABŞ, həm də İranla olan dostluq münasibətlərindən iki ölkə arasındakı gərginliyin aradan qaldırılmasında istifadə etməyə çalışacaq.
AZƏRTAC xəbər verir ki, T.Kono bu barədə parlamentin aşağı palatasında xarici işlər komitəsinin iclasında çıxışı zamanı danışıb.
Xatırladaq ki, hazırda Yaponiyanın rəsmi nümayəndələri Baş Nazir Şinzo Abenin iyunun ortalarında İrana səfərinin hazırlıqları ilə məşğuldurlar. Səfər zamanı Ş.Abenin İranın Ali rəhəbəri Ayətullah Əli Xomenei və Prezident Həsən Ruhani ilə görüşləri gözlənilir.
Çıxışı zamanı T.Kono Yaponiya ilə İran arasında uzun müddətdir davam edən dostluq əlaqələrinə toxunub.
Nazir, həmçinin deyib ki, Yaponiya var gücü ilə hər bir tərəf ilə səmimi müzakirələrin aparılmasına və regionda gərginliyin dialoq vasitəsilə aradan qaldırılmasına çalışacaq.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
