Tatarıstanın Azərbaycandakı daimi nümayəndəliyində aviasiya qəzasında həlak olanlara görə Hüzn kitabı açılmışdır
Bakı, 18 noyabr (AZƏRTAC). Dünən axşam Kazan şəhərində baş vermiş aviasiya qəzası nəticəsində həlak olanların xatirəsinə ehtiram əlaməti olaraq bu gün Tatarıstan Respublikasının Azərbaycan Respublikasındakı daimi nümayəndəliyində Tatarıstan Respublikasının bayrağı endirilmiş və Hüzn kitabı açılmışdır.
Son məlumatlara görə, faciə 50 adamın, o cümlədən 44 sərnişin və 6 heyət üzvünün həyatına son qoymuşdur.
Tatarıstan Respublikasının Prezidenti Rüstəm Minnixanovun fərmanı ilə 18 noyabr respublikada Matəm günü elan edilmişdir.
Tatarıstanın Azərbaycandakı daimi nümayəndəliyindən AZƏRTAC-a bildirmişlər ki, Hüzn kitabı həlak olanların xatirəsini anmaq və başsağlığı sözlərini bildirmək istəyənlər üçün daimi nümayəndəliyin Bakıda, Süleyman Rüstəm küçəsi, 55 ünvanında yerləşən binasında saat 12.00-dan 17.00-dək açıq olacaqdır.
Bölmənin digər xəbərləri
