TBİLİSİ RƏSSAMLIQ AKADEMİYASININ 80 İLLİYİNƏ HƏSR OLUNMUŞ SƏRGİ
Tbilisi Rəssamlıq Akademiyasının 80 illik yubileyi ilə əlaqədar aprelin 26-da Vəcihə Səmədova adına sərgi salonunda həmin akademiyada təhsil almış Azərbaycan rəssamlarının sərgisi açılmışdır.
Azərbaycan Rəssamlar İttifaqı ilə Gürcüstanın ölkəmizdəki səfirliyinin birgə təşkil etdikləri sərgidə 30-a yaxın təsviri sənət ustasının boyakarlıq, qrafika və heykəltəraşlıq janrlarında 80-dən artıq işi nümayiş olunur.
Respublika Rəssamlar İttifaqı İdarə Heyətinin sədri Fərhad Xəlilov, Gürcüstanın ölkəmizdəki səfiri Zurab Qumberidze, Mədəniyyət Nazirinin müavini Sevda Məmmədəliyeva, Azərbaycan Rəssamlıq Akademiyasının rektoru Ömər Eldarov və başqaları açılış mərasimində çıxış edərək ölkələrimiz arasında mədəni əlaqələrin inkişafında belə tədbirlərin əhəmiyyətini xüsusi vurğuladılar.
Natiqlər yubiley münasibətilə Tbilisi Rəssamlıq Akademiyasının azərbaycanlı məzunlarını təbrik edərək onlara yeni yaradıcılıq uğurları arzuladılar.
Sərgi mayın 10-dək davam edəcək.
Bölmənin digər xəbərləri
