TƏBABƏT XƏBƏRLƏRİ
Professor Çen Szyunun rəhbərliyi ilə “302 nömrəli” hərbi hospitaldan olan bir qrup çinli həkim dünyada ilk dəfə olaraq hepatit virusunun sirrinin açılmasına imkan verə biləcək gen aşkar etmişdir.
Ekspertlərin fikrincə, bu nadir kəşf mühüm elmi əhəmiyyətə və xəstəxanada tətbiq edilmək üçün böyük potensiala malikdir. Bu kəşf hepatitin səbəblərini öyrənməkdə və hepatit viruslarının təsiri ilə qara çiyər hüceyrələrinin məhv olmasına gətirib çıxaran bu ağır xəstəliyə qarşı mübarizə üçün dərman vasitələri hazırlamaqda yeni istiqamətləri müəyyənləşdirəcəkdir.
Bundan başqa, mütəxəssislər belə hesab edirlər ki, bu kəşf sirroz və qara çiyər xərcəngi kimi bir sıra digər ağır xəstəliklərin müalicəsində də dönüş ola bilər.
Sinxua agentliyinin məlumatına görə, hazırda Çində hər il təxminən 30 milyon xəstənin qara çiyərin xroniki xəstəliklərindən müalicəyə ehtiyacı var. Bu müalicə isə 50 milyard yuana (6 milyard ABŞ dolları) başa gəlir.
X X X
Norveç həkimləri şizofreniyanın uğurlu müalicəsi istiqamətində fəal cəhdlər göstərirlər. Onlar bu xəstəliyə tutulan onurğa beynindəki mayedə indiyədək məlum olmayan hissəcik kəşf etmişlər. “Aftenposten” qəzeti tibbi mənbələrə instinadən yazır ki, “bu kəşf xəstəliyin səbəblərinin tapılması və onun uğurlu müalicəsi yolunda mühüm hadisədir”.
İsveç professoru Lennartın başçılıq etdiyi alimlər qrupu Şimali Norveçdəki Universitet Klinikasında tədqiqatlar aparmışlar. Araşdırmalarda 19 norveçli və 3 isveçli xəstə iştirak etmişdir. Bundan başqa, 38 nəfərdən ibarət nəzarət qrupu da olmuşdur.
Professor Lennart demişdir ki, biz şizofreniyaya tutulmuş 22 xəstədə, nəzarət qrupundan isə yalnız iki xəstədə bu hissəciyi aşkar etdik. Hazırda onlar xəstəliyin simptomlarına təsir edən həblər qəbul edirlər, lakin xəstəliyin özünün qarşısını ala biləcək preparatlar yoxdur.
Hissəciyin ölçüsü millimetrin yüz min də biri qədər - virusdan bir qədər böyük, bakteriyadan isə kiçikdir.
İTAR-TASS-ın verdiyi xəbərə görə, indi alimlər bu hissəciyin tərkibini öyrənməyə başlamışlar. Bu layihədə Şimali Norveçdəki Universitet kilinkası, Oslo Universiteti və Stokholm şəhərindəki Karolina İnstiututu iştirak edir.
X X X
Çin paytaxtının ən məşhur ticarət küçəsi olan Vanfutszin küçəsində artıq 100 ildən çoxdur ki, U Yuytay adına bir çay mağazası var. Mağazanın sahibi Çjan Venyuy deyir ki, orada çayin dəmlənib içilməsinin qədim ənənələrinə orada bu günədək əməl edilir. Arzu edənlər burada çay almaqla vəətirli içkinin tamına baxmaqla yanaşı, mühazirələr dinləyə, suallar da verə bilərlər.
Məsələn çay içkisi ilə dəmlənmiş çayın nə kimi fərqləri var? Ondan başlayaq ki, çay mədəniyyəti qədim tarixə malikdir. Burada hesab edirlər ki, bu gün dünyada mövcud olan bütün çaylar - yaşıl, qara, ətirlənmiş, sarı, ağ və başqa çaylar Çində meydana gəlmişdir. Onlar bir-birindən təkcə görkəminə və tamına görə deyil, dəmlənmə üsuluna görə də fərqlənir. Lakin çay içkisini heç də hər çaydan hazırlamaq mümkün deyildir. Yaşıl çay içkisinin tamı dəmlənmiş yaşıl çaydan fərqlənir. Çünki dəmləmə zamanı təbii çay yarpaqlarından istifadə edirlər. Bu halda çayın yarpaqlarındakı qidalı maddələr suya keçir. Çay içkisində isə belə maddələr olduqca azdır. Ona görə də sərraflar deyirlər ki, təzə dəmlənmiş çay içmək daha yaxşıdır.
Bəs çay uşaqlar üçün xeyirlidirmi? Ekspertlərin fikrincə, tünd dəmlənməmiş çay böyüməkdə olan nəslə maddələr mübadiləsini, qidanın həzmini yaxşılaşdırmaqda kömək edir. Çay həm də kariyesin qarşısını alır. Bundan əlavə, mütəxəssislər hesab edirlər ki, kiçik yaşlarından çay içmək sağlamlığı möhkəmləndirir və ömrü uzadır.
Çay içməklə ilin fəsilləri arasında əlaqə varmı? Çinlilər hesab edirlər ki, bəli, var. Məsələn, yaşıl çayı il boyu içmək olar. Lakin yazda və yayda Ulun çayı vəətirlənmiş çay içmək yaxşıdır, çünki xoş tamı olan bu çaylar susuzluğu yatırır. Qışda adətən qara çay içirlər. Çay haqqında qədim bir elmi əsərdə deyildiyi kimi, o, “insanın mədəsini qızdırır”. Çinin şimalında insanlar qışda da yaşıl çay içirlər. Çünki orada evlər qızdırılır və buna görə də otaqlarda hava quru olur. Payızgülü (xrizantem) çiçəklərindən əlavələr qatılan yaşıl çay xəstəlik törədən bakteriyaları öldürür, xəstəlik zamanı isə hərarəti aşağı salır.
İTAR-TASS xəbər verir ki, ekspertlərin fikrincə, çay hazırlamaq üçün suyun keyfiyyətinə xüsusi diqqət yetirmək lazımdır. Qədim kitablarda deyilir: Əgər çox da yaxşı olmayan çay yarpaqlarını gözəl suda dəmləsən, dadlı çay əmələ gələr; əksinə olsa, yəni keyfiyyətli çay yarpaqlarını pis suda dəmləsən, çayın dadı olmaz. Çayı təbii bulaq suyunda dəmləmək daha yaxşıdır. Xəstələnmək istəməyirsinizsə, çay için.
Bölmənin digər xəbərləri
