Təhsil Nazirliyi: İkili diplom proqramı üzrə sənəd qəbulunun müddəti uzadılıb
Bakı, 4 sentyabr, AZƏRTAC
Koreya Respublikasının INHA ali təhsil müəssisəsi ilə Bakı Mühəndislik Universitetinin mühəndislik ixtisas istiqaməti üzrə ikili diplom proqramı çərçivəsində 2020-2021-ci tədris ili üzrə bakalavriat səviyyəsinə sənəd qəbulunun müddəti sentyabrın 8-dək uzadılıb.
Təhsil Nazirliyindən AZƏRTAC-a bildiriblər ki, bakalavriat səviyyəsində təhsil dörd il müddətində və ingilis dilində aparılacaq. Tələbələrə sonuncu il üzrə INHA-dakı təhsil ili üçün əlavə olaraq Koreya dili tədris ediləcək.
İkili diplom proqramı ilə bağlı əlavə məlumatla nazirliyin saytında verilmiş elan vasitəsilə tanış olmaq mümkündür.
Bölmənin digər xəbərləri
