TERROR QURBANLARININ XATİRƏSİ UNUDULMUR
Həsən bəy Zərdabi adına Dünya Azərbaycanlıları Xeyriyyə Cəmiyyətinin üzvləri 2001-ci il sentyabrın 11-də Amerika Birləşmiş Ştatlarında törədilmiş faciə qurbanlarının xatirəsini yad etmək məqsədi ilə müqəddəs Şəhidlər Xiyabanına gələrək, torpaqlarımızın azadlığı uğrunda canlarını qurban vermiş və erməni terroruna məruz qalmış vətən övladlarının məzarı üzərinə tər qərənfillər düzmüşlər.
Sonra cəmiyyətin üzvləri şəhidlərimizin xatirəsinə ucaldılmış abidə kompleksi önündə yığıncaq keçirərək, terrorizmə, zorakılığa və insanlığa zərbə vuran bütün hərəkətlərə qarşı etiraz səslərini ucaltmışlar.
Natiqlər sentyabrın 11-də ABŞ-da törədilən terror aktlarını yalnız Amerika xalqlarına deyil, bütün bəşəriyyətə vurulan ağır zərbə kimi səciyələndirmişlər.
Bölmənin digər xəbərləri
