Tərtərdə Anım Günü münasibətilə ağacəkmə aksiyası keçirilib
Tərtər, 24 sentyabr, AZƏRTAC
27 Sentyabr - Anım Günü münasibətilə Tərtər şəhərində ağacəkmə aksiyası keçirilib. Tərtər-Ağdərə avtomobil yolunun kənarında keçirilən aksiyada Tərtər Rayon İcra Hakimiyyətinin, YAP rayon təşkilatının, hüquq-mühafizə orqanlarının rəhbərləri, inzibati ərazi dairələri üzrə nümayəndələr, Vətən müharibəsi qaziləri, 9 saylı Regional Ekologiya və Təbii Sərvətlər İdarəsinin kollektivi, “DOST MMC”nin işçiləri iştirak ediblər.
AZƏRTAC-ın bölgə müxbiri xəbər verir ki, aksiya zamanı Heydər Əliyev prospektində 250 ədəd Eldar şamı əkilib. Əkilən ağaclar suvarılıb, mövcud ağacların dibi yumşaldılıb və yaşıllıqlara aqrotexniki qaydada qulluq göstərilib.
Bölmənin digər xəbərləri
