TİBB İŞÇİLƏRİ ÖZ PEŞƏ BAYRAMLARINI QEYD EDİRLƏR
Səhiyyə nazirinin müavini Elsevər Ağayev yığıncağı açaraq, həmkarlarını bayram münasibətilə təbrik etmişdir. O, səhiyyədə aparılan islahatlardan danışaraq, ümummilli liderimiz Prezident Heydər Əliyevin tibbə, bu sahədə fəaliyyət göstərən insanların sosial vəziyyətinin yaxşılaşdırılmasına həmişə diqqət və qayğı göstərdiyini xüsusi vurğulamışdır.
Yığıncaqda adətən, Tibb İşçisi günündə yekun vurulan ənənəvi Topçubaşov mühazirələri qalibinin adı açıqlanmışdır. Bu ilin qalibi AMEA-nın akademiki Əhliman Əmiraslanov olmuşdur. O, osteogen sarkoma xəstəliyinin müalicəsinin kompleks metodikasına həsr olunmuş elmi işinin əsas müddəalarından söhbət açmışdır.
Sonra bir qrup səhiyyə işçisinə nazirliyin fəxri fərmanları təqdim edilmişdir.
