TİBB İŞÇİLƏRİ PEŞƏ BAYRAMLARINI QEYD EDİRLƏR
Azərbaycan Dövlət Tibb Universitetinin iclas salonunda tibb işçisi gününə həsr olunmuş təntənəli yığıncaq keçirilmişdir. Səhiyyə naziri Əli İnsanov yığıncağı açaraq, ölkədə səhiyyə sisteminin inkişafında, islahatların keçirilməsində Azərbaycan Prezidenti Heydər Əliyevin müstəsna rolunu vurğuladı. O, səhiyyəyə göstərdiyi diqqət və qayğıya görə ölkəmizin başçısına tibb işçiləri adından minnətdarlığını bildirdi.
Sonra ATU-nun rektoru, akademik Əhliman Əmiraslanov, professor Cəbrayıl Məmmədov, Milli Onkologiya Mərkəzinin əməkdaşı Azad Kərimov və başqaları çıxış edərək, tibb işçilərinin qarşısında duran və əhaliyə tibbi xidmətin yaxşılaşdırılmasına yönəldilmiş vəzifələrdən danışdılar.
Sonra tibb işçilərinin bir qrupuna Səhiyyə Nazirliyinin fəxri fərmanları təqdim olundu.
Yığıncaq iştirakçıları Azərbaycan Prezidenti Heydər Əliyevə müraciət qəbul etdilər.
Bölmənin digər xəbərləri
