TOLYATTİDƏ HƏMYERLİMİZİN FƏRDİ SƏRGİSİ AÇILMIŞDIR
Şəkidə anadan olmuş B.Salamov 1990-cı ildən Tolyatti şəhərində yaşayır. Rəssam dəfələrlə ümumrusiya və beynəlxalq sərgilərini iştirakçısı olmuşdur. Əsərləri Rusiya, Almaniya, İsveç, Kanada, Çexiya, İngiltərə və Fransanın muzeylərində və şəxsi kolleksiyalarda saxlanılır.
Növbəti sərgisində rəssamın müxtəlif janrlarda 200-ə yaxın əsəri nümayiş etdirilir. Tamaşaçılar bu əsərləri romantik rəsmlər adlandırırlar. Rəssamın hər bir əsərində məhəbbət və rahatlıq, musiqi və yüksək əhval-ruhiyyə təlqin olunur.
Tanınmış samaralı musiqiçi Aleksandr Arş Bayramın əl işlərindən ruhlanaraq silsilə əsərlərdən ibarət kompozisiya yazmış və sərginin açılış mərasimində ifa etmişdir.
Şəhər sakinlərinin həmyerlimizin romantik əsərləri ilə daha yaxından tanış olmaları üçün “Anturaj” öz salonunu bir ay müddətində onların ixtiyarına vermişdir.
B.Salamov həm də Tolyattidəki Azərbaycan diaspor təşkilatları şurasının sədridir.
Bölmənin digər xəbərləri
