Bakı, 8 noyabr (AZƏRTAC). Xəbər verildiyi kimi, Tovuz şəhər stadionunun Azərbaycan Futbol Federasiyaları Assosiasiyası tərəfindən quraşdırılmış süni örtüyünə yüksək sertifikat olan 2 ulduzun alınması məqsədilə AFFA FİFA-ya müraciət etmişdi.

AZƏRTAC xəbər verir ki, beynəlxalq futbol qurumu bu müraciəti cavablandırmışdır. FİFA tərəfindən adıçəkilən stadionun süni örtüyünə 2014-cü il noyabrın 5-dək 2 ulduzun verilməsini təsdiqləyən sertifikat artıq AFFA-ya göndərilmişdir. Bu, ölkəmizdə paytaxtdan kənarda yerləşən stadionun süni ot örtüyünə verilmiş ilk yüksək sertifikatdır.

Qeyd edək ki, Tovuz şəhər stadionunun süni ot örtüyü Topaz Premyer Liqasında çıxış edən klublarda uşaq futbolu üçün UEFA-nın ayırdığı vəsait və AFFA-nın maliyyəsi hesabına quraşdırılmışdır.