Tramp: Yaxın zamanda daha bir münaqişəni həll edəcəyik
Davos, 22 yanvar, AZƏRTAC
Yaxın Şərqdə sülh var, heç kim bunun mümkün olacağını düşünmürdü. Biz səkkiz müharibəni həll etmişik.
AZƏRTAC xəbər verir ki, bu sözləri Amerika Birləşmiş Ştatlarının Prezidenti Donald Tramp Davosda “Sülh Şurasının Nizamnaməsi” sənədinin imzalanma mərasimində deyib.
O, Yaxın Şərqdə sülhün bərqərar olduğunu bildirib və bunun əvvəllər mümkün hesab edilmədiyini deyib. Onun sözlərinə görə, indiyədək səkkiz münaqişə həll olunub.
D.Tramp əlavə edib ki, daha bir münaqişənin yaxın zamanda həll ediləcəyinə inanır: “Düşünürəm ki, hansından danışdığımı bilirsiniz. Elə bilirdim ki, bu, asan olacaq, amma ən çətin məsələ məhz bu oldu”, - deyə Tramp qeyd edib.
ABŞ Prezidenti Ukraynadakı müharibəyə toxunaraq, orada insan tələfatının çoxluğunu dəhşətli adlandırıb.
Aytən Abbaslı
AZƏRTAC-ın xüsusi müxbiri
Davos
Bölmənin digər xəbərləri
