TURİZM SAHƏSİNDƏ AZƏRBAYCAN-İORDANİYA İŞÇİ QRUPUNUN YARADILMASI HAQQINDA RAZILIQ ƏLDƏ OLUNMUŞDUR
AZƏRTAC xəbər verir ki, mədəniyyət və turizm naziri Əbülfəs Qarayevin İordaniyanın turizm və qədim abidələr naziri Maha Xətiblə görüşündə turizm sahəsində əməkdaşlığa dair Azərbaycan-İordaniya hökumətlərarası sazişin müddəalarının gerçəkləşdirilməsi üzrə işçi qrupun yaradılması barədə razılıq əldə olunmuşdur. Tərəflər birgə informasiya turlarının keçirilməsi, hər iki ölkənin telekanallarında Azərbaycanın və İordaniyanın turizm potensialını əks etdirən sənədli filmlərin və reklam çarxlarının nümayiş etdirilməsi barədə razılığa gəlmişlər.
Nazir Əbülfəs Qarayev İordaniyanın turizm şirkətlərini gələn ilin yazında Bakıda keçiriləcək 8-ci Azərbaycan beynəlxalq turizm sərgisində iştirak etməyə dəvət etmişdir.
Bölmənin digər xəbərləri
