“Türk Hava Yolları” Balkan ölkələrinə aviareysləri bərpa edir
Belqrad, 9 iyun, AZƏRTAC
“Türk Hava Yolları” aviaşirkəti Serbiya, Bosniya və Herseqovina və Şimali Makedoniyaya reysləri bərpa edir. Aviareyslər hələlik yalnız İstanbuldan həyata keçiriləcək.
AZƏRTAC xəbər verir ki, uçuşlar iyunun 21-də bərpa olunacaq. Serbiyadakı Belqrad, Bosniya və Herseqovinadakı Sarayevo aeroportları kommersiya reyslərini artıq qəbul edir. Skopye aeroportu isə bu ayın ikinci yarısından fəaliyyətə başlayacaq.
Daha ucuz qiymətə uçuşlar həyata keçirən “Pegasus” aviaşirkəti isə hələlik planlarını açıqlamayıb, lakin aviareyslərin iyunun ikinci yarısında bərpası nəzərdə tutulur.
“Air Serbia” şirkəti də İstanbula ilk uçuşunu iyunun 15-nə planlaşdırıb.
Aygün Əliyeva
AZƏRTAC-ın xüsusi müxbiri
Belqrad
Bölmənin digər xəbərləri
