Türk lirəsinin məzənnəsi sürətlə aşağı düşür
İstanbul, 1 dekabr, AZƏRTAC
Türkiyənin milli valyutası olan lirənin məzənnəsi sürətlə aşağı düşməkdə davam edir.
Türkiyə Mərkəzi Bankının rəsmi məlumatına görə, dekabrın 1-də ölkə ərazisində bir ABŞ dolları 3,43 lirəyə satılıb. Son bir ayda lirə təxminən 30 qəpik (kuruş) ucuzlaşıb. Bu geriləmə avronun məzənnəsində də baş verməkdədir.
Qeyd edək ki, hələlik Mərkəzi Bankın lirənin ucuzlaşması prosesinin qarşısını almaq üçün gördüyü tədbirlər nəticə vermir.
Rəsmi məlumata görə, bu prosesin qarşısı alınmasa, lirənin məzənnəsi maliyyə qurumlarının 2016-cı ilin sonu üçün proqnozlaşdırdığı səviyyədən çox aşağı həddə düşəcək.
Sabir Şahtaxtı
AZƏRTAC-ın xüsusi müxbiri
İstanbul
Bölmənin digər xəbərləri
