Türkiyə-Azərbaycan Dərnəyinin rəhbəri xalqımızı “Eurovision” müsabiqəsində möhtəşəm qələbə münasibətilə təbrik etmişdir
Bakı, 16 may (AZƏRTAC). Türkiyə-Azərbaycan Dərnəyinin rəhbəri Sinan Oğan Azərbaycanın “Eurovision-2011” mahnı müsabiqəsində möhtəşəm qələbəsi münasibətilə xalqımızı təbrik etmişdir.
Diasporla İş üzrə Dövlət Komitəsindən AZƏRTAC-a bildirmişlər ki, Sinan Oğan bu qələbənin türk dünyasının qələbəsi olduğunu bildirmişdir. Dərnəyin rəhbəri qeyd etmişdir ki, Azərbaycan xalqının ümummilli lideri Heydər Əliyevin anadan olmasının 88-ci ildönümünün qeyd olunduğu həftə içində ulu öndərin müdrik kəlamında qeyd edildiyi kimi, bizim bir millət, iki dövlət olduğumuzu dost da, düşmən də gördü.
Sinan Oğan bildirmişdir ki, Avropanın möhtəşəm mahnı bayramında özünün dövlət bayrağı ilə yanaşı, Türkiyənin bayrağını da dalğalandıran Azərbaycanın bu hərəkəti qardaşlığımızın təcəssümü idi.
Bölmənin digər xəbərləri
