Türkiyə İranla gömrük-keçid məntəqələrini bağlayıb
Ankara, 23 fevral, AZƏRTAC
Türkiyə tərəfi koronavirus təhlükəsi səbəbindən İranla gömrük-keçid məntəqələrini müvəqqəti bağlayıb.
AZƏRTAC xəbər verir ki, bu barədə Türkiyənin Səhiyyə naziri Fahrettin Koca məlumat verib. Nazir bildirib ki, İranla sərhədin bağlanması ölkənin koronavirus üzrə Səhiyyə Elmi Təşkilatının qərarıdır.
Qeyd edək ki, Türkiyə ilə İran arasında Ağrıda Gürbulak, Vanda Kapıköy və Hakkaridə Əsəndərə gömrük-keçid məntəqələri mövcuddur.
Rəsmi məlumatlara görə, hazırda İranda koronavirusa yoluxanların sayı 43 nəfərə çatıb, yoluxma hallarının səkkizi ölümlə nəticələnib.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
