TÜRKİYƏ QARS-AXALKALAKİ-TBİLİSİ-BAKI DƏMİRYOLU LAYİHƏSİNİN HƏYATA KEÇİRİLMƏSİNDƏ QƏRARLIDIR
AZƏRTAC-ın xüsusi müxbiri xəbər verir ki, bu fikri “Türkiş Deyli Nyus” qəzetinə müsahibəsində Türkiyə Xarici İşlər Nazirliyinin nümayəndəsi səsləndirmişdir. O demişdir ki, ABŞ Senatının bu layihənin maliyyələşdirilməsini dayandırmaq qərarı Türkiyədə təəssüflə qarşılanmışdır.
Türkiyəli diplomat bu layihənin bölgə üçün böyük əhəmiyyət daşıdığını və gələcəkdə onun ölkəsinin Orta Asiya regionu ilə ticarət əlaqələrinə böyük töhfə verəcəyini diqqətə çatdırmışdır. Bundan əlavə, sözügedən layihə Avropa İttifaqının Cənubi Qafqazda nüfuzunun artırılması baxımından da əhəmiyyətlidir. Bu məqsədlə Aİ Avropanın Yeni Qonşuluq Siyasəti təşəbbüsü çərçivəsində Gürcüstanla danışıqlara başlamış, Azərbaycanla isə iqtisadi regional layihələrin perspektivlərini müzakirə etmək niyyətindədir.
Bölmənin digər xəbərləri
