TÜRKİYƏ ŞİRKƏTİ İRAQDA GİROV GÖTÜRÜLMÜŞ 10 ƏMƏKDAŞINI XİLAS ETMƏK ÜÇÜN TƏDBİRLƏR GÖRÜR

21.09.2004 [21:16]
Çap et
A⁺ A^-

AZƏRTAC xəbər verir ki, Türkiyənin “Vinsan” tikinti şirkəti İraqda girov götürülmüş 10 əməkdaşını xilas etmək üçün bu ölkədə fəaliyyətini məhdudlaşdırmaq qərarına gəlmişdir.

Xatırladaq ki, Türkiyə vətəndaşları sentyabrın 17-də “Əbu Bəkr əs- Sadiqin batalyonları” qruplaşması tərəfindən girov götürülmüşdür. Qətərin

“Əl-Cəzirə” teleşirkəti girovların həyatı üçün onların çalışdıqları firmanın İraqdakı fəaliyyətini dayandırmasını tələb edən yaraqlıların müraciətini yayımlamışdır.

“Vinsan” firmasının nümayəndəsi Əli Heydər Vəziroğlu şirkət rəhbərliyinin tərkibində amerikalıların, yaxud iraqlıların olduğunu inkar etmişdir.

Sentyabrın 21-də İraqın şimalında naməlum yaraqlıların qətlə yetirdikləri türkiyəli sürücünün cəsədi tapılmışdır.