TÜRKİYƏ VƏ VATİKAN QARŞILIQLI ANLAŞMA MEMORANDUMU İMZALAMIŞLAR
Türkiyə ilə Vatikan qarşılıqlı anlaşma memorandumu imzalamışlar. Türkiyə Din İşləri İdarəsinin rəhbəri Mehmet Nuri Yılmaz bu barədə məlumat verərək bildirmişdir ki, bununla da, “səlib yürüşləri epoxası”na son qoyulmuşdur.
O demişdir ki, Türkiyə və Vatikan tarixi sənəd imzalayaraq, bir neçə əsr əvvəl dayandırılmış dialoqu yoluna qoymuşlar və indi sülh, xalqların əmin-amanlığı və tərəqqisi naminə əməkdaşlıq edəcəklər. Yılmazın sözlərinə görə, “fərqlər olmasına baxmayaraq, islam xristianlığa ən yaxın dindir”.
İTAR-TASS-ın verdiyi xəbərə görə, memorandumda dini azadlıqların müdafiəsi, habelə müxtəlif tədris proqramlarının həyata keçirilməsi məqsədi ilə dinlərarası dialoqu, əməkdaşlığı yoluna qoymaq nəzərdə tutulur.
Bölmənin digər xəbərləri
