Türkiyə XİN: İsrail ilə Fələstin arasında atəşkəslə bağlı razılığın əldə edilməsini məmnuniyyətlə qarşıladıq
İstanbul, 9 oktyabr, Günel Karatepe, AZƏRTAC
Yaxın Şərqdə daimi sülh yalnız İsrail-Fələstin məsələsinə ədalətli bir həll tapılması ilə mümkündür. Atəşkəs danışıqlarında əldə olunan bu irəliləyişin qarşıdakı dövrdə ikidövlətli həllin həyata keçirilməsinə də töhfə verəcəyinə ümid edirik.
AZƏRTAC xəbər verir ki, bu fikirlər Türkiyənin Xarici İşlər Nazirliyinin (XİN) mövzu ilə bağlı açıqlamasında yer alıb. Türkiyə XİN bölgədə atəşkəslə bağlı razılığın əldə edilməsini məmnuniyyətlə qarşıladıqlarını ifadə edib. Həmçinin açıqlamada danışıqlara vasitəçilik edən Qətər, Misir və ABŞ-ın səylərini təqdirlə qarşıladıqları, razılaşmanın icra mərhələsində də dəstək və töhfələrini davam etdirəcəkləri bildirilib. Açıqlamada Türkiyənin bundan sonra da Qəzzaya intensiv şəkildə humanitar yardım göstərməyə davam edəcəyi qeyd olunub.
Bölmənin digər xəbərləri
