Türkiyədə baş vermiş zəlzələdə 278 evə zərər dəyib
Ankara, 20 mart, AZƏRTAC
Martın 20-də Türkiyə vaxtilə saat 09:34-də ölkənin Dənizli vilayətinin Acıpayam rayonunda Rixter cədvəli üzrə 5,5 bal gücündə baş verən zəlzələdə 278 tikiliyə zərər dəyib.
AZƏRTAC xəbər verir ki, bu barədə ətraf mühit və şəhərsalma naziri Murad Kurum KİV-lərə açıqlamasında bildirib.
Nazir deyib ki, yeraltı təkanlar nəticəsində 7 ev tamamilə dağılıb. 139 binaya ciddi, 132 binaya isə qismən zərər dəyib. Zəlzələ nəticəsində 22 nəfər yaralanıb.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
