TÜRKİYƏDƏ YENİ PUL ƏSGİNASLARININ TƏQDİMATI OLMUŞDUR
AZƏRTAC-ın xüsusi müxbiri xəbər verir ki, oktyabrın 3-də Ankarada Türkiyə Mərkəzi Bankı 2009-cu il yanvarın 1-dən etibarən tədavülə buraxılacaq pul əsginaslarının təqdimatını keçirmişdir.
Türkiyənin Baş naziri Rəcəb Tayyib Ərdoğan vaxtilə ölkənin pul vahidindən 6 sıfırın atıldığıını, 2005-ci ildən Yeni Türk Lirəsinin tədavülə buraxıldığını xatırlatmış, inflyasiyaya qarşı mübarizədə bu pul vahidinin etibar qazandığını bildirmişdir. Baş nazir yeni əsginasların Türkiyə üçün uğurlu olmasını diləmişdir.
Mərkəz Bankının sədri Durmuş Yılmaz tədavülə buraxılacaq Türk Lirəsini (TL) təqdim etmişdir. Bütün nominasiyadan olan əsginasların üzərində Türkiyə Cümhuriyyətinin banisi Mustafa Kamal Atatürkün rəsmləri vardır. Əsginasların digər üzündə isə türk tarixində iz qoymuş görkəmli şəxsiyyətlərin rəsmləri yer almışdır. Əsginaslardan - 1 TL-nin üzərində cümhuriyyətin ilk professoru Aydın Saylı, 10 TL-də professor Cahit Arf, 20 TL-də Memar Kəmaləddin, 50 TL-də ilk qadın yazıçı Fatma Aliyə Xanım, 100 TL-də klassik türk musiqisinin banisi Buhurizadə Mustafa Əfəndi, 200 TL-də isə Yunus Əmrənin rəsmləri əks olumuşdur.
Bölmənin digər xəbərləri
