Türkiyəli mütəxəssis: Nüvə təbabəti xəstəliklərin sadəcə diaqnostikasında deyil, müalicəsində də tətbiq edilir
Bakı, 6 iyul, AZƏRTAC
“Bütün dünyada nüvə təbabəti olduqca inkişaf edib və artıq bu sahədə yeni metodlar istifadə olunur”.
Bunu AZƏRTAC-a açıqlamasında 5-ci Azərbaycan Onkologiya və Nüvə Təbabəti Simpoziumunda iştirak edən Türkiyə Nüvə Təbabəti Dərnəyinin müdiri Murat Fani Bozkurt deyib.
O qeyd edib ki, artıq nüvə təbabəti xəstəliklərin sadəcə diaqnostikasında deyil, eyni zamanda, müalicədə tətbiq edilir: “Nüvə təbabətində radionuklid terapiyadan əlavə, yeni metodlar da istifadə olunur. Bu isə xərçəngin müalicəsində yeni həll yollarının tapılması baxımından olduqca vacibdir. Düşünürəm ki, 5-ci Azərbaycan Onkologiya və Nüvə Təbabəti Simpoziumu onkoloji xəstəliklərlə mübarizə üçün geniş müzakirələrin aparılması baxımından əlverişli platformadır”, - deyə türkiyəli mütəxəssis əlavə edib.
Bölmənin digər xəbərləri
