TÜRKİYƏNİN AVROPA BİRLİYİNƏ DAXİL OLMAQ CƏHDLƏRİNİ MACARISTAN DA DƏSTƏKLƏYƏCƏK
Macarıstan istənilən ölkənin, o cümlədən Türkiyənin Avropa Birliyinə üzv olmaq niyyətini dəstəkləyir, bir şərtlə ki, o, həmin təşkilata qəbul edilmək üçün zəruri tələbləri yerinə yetirmiş olsun. AZƏRTAC Assoşieyted Press agentliyinə istinadla xəbər verir ki, bunu Macarıstan XİN-in nümayəndəsi Peter Dörkoş bildirmişdir. O demişdir ki, “Avropa Birliyinə yeni üzvlərin qəbulu barədə hər hansı bir qərar AB-nin iqtisadi və siyasi vəhdətinin pozulmasına gətirib çıxarmamalıdır”.
Xatırladaq ki, ötən həftə Avropa Komissiyası Türkiyənin AB-yə qəbulu barədə danışıqlara başlanılmasını tövsiyə etmişdir. Bu məsələyə dair son qərarın AB-nin dekabrın 17-18-də Brüsseldə keçiriləcək zirvə toplantısında qəbul olunacağı gözlənilir.
Bölmənin digər xəbərləri
