Türkiyənin “Mərmərə Qrupu” Azərbaycanda keçiriləcək parlament seçkilərini müşahidə edəcək
Ankara, 26 yanvar, AZƏRTAC
Türkiyənin “Mərmərə Qrupu” Strateji və Sosial Araşdırmalar Vəqfi fevralın 9-da Azərbaycanda keçiriləcək Milli Məclisə seçkilərdə müşahidəçi qismində iştirak edəcək.
Bu barədə AZƏRTAC-a məlumat verən “Mərmərə Qrupu” Strateji və Sosial Araşdırmalar Vəqfinin sədri, professor Akkan Suver bildirib ki, seçkilərdə bu missiya ilə iştirak etmək üçün Mərkəzi Seçki Komissiyasından onlara dəvət göndərilib. Vəqf seçkilərdə professor Akkan Suver və qrupun digər üzvlərindən ibarət nümayəndə heyəti ilə təmsil olunacaq.
Professor əminliklə bildirib ki, Azərbaycan bu seçkilərlə demokratiya istiqamətində daha bir mühüm addım atacaqdır.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
