Türkiyənin “Parlamento” jurnalında Azərbaycanda keçiriləcək seçkilər barədə məqalə dərc edilib
Ankara, 28 yanvar, AZƏRTAC
Türkiyədə nəşr olunan nüfuzlu “Parlamento” jurnalı Azərbaycanda keçiriləcək parlament seçkiləri barədə məqalə dərc edib.
AZƏRTAC xəbər verir ki, müəllifi Azərbaycan Televiziyasının Türkiyə üzrə təmsilçisi Yalçın Tahiroğlu olan analitik yazıda türkdilli oxuculara ölkəmizdə aparılan köklü islahatlar barədə müfəssəl məlumat verilir.
Məqalədə Azərbaycan parlamentinin keçdiyi tarixi yol, ölkəmizdəki islahatları zəruri edən səbəblər, o cümlədən parlamentin buraxılması barədə qərarın qəbul olunması və ondan sonrakı proseslərə aydınlıq gətirilir.
Müəllif faktlar və məntiqi mülahizələr, həmçinin ekspert rəyləri ilə əsaslandırır ki, Milli Məclisə seçkilərin keçirilməsi üzrə proses Azərbaycan Konstitusiyasına uyğun həyata keçirilir və cəmiyyətin bütün təbəqələri onu dəstəkləyir.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
