TÜRKMƏNİSTAN PAYTAXTINDA YENİ TEATR BİNALARI TİKİLƏCƏK
AZƏRTAC-ın Aşqabaddan aldığı xəbərə görə, Türkmənistanda iki yeni teatrın – uşaq kukla teatrının və Alp Arslan adına gənclər teatrının tikintisi barədə müqavilələr imzalanmışdır. Onların ümumi dəyəri 32 milyon dollardır. Binaları Türkiyənin “Qap İnşaat” və “Polimeks İnşaat” şirkətləri inşa edəcəklər. Teatrların tikintisi bu ilin may ayında başlanacaq və 2005-ci ilin qışınadək başa çatacaqdır. Tikintisi 2003-cü ildə başlanmış Mollanepes adına dram teatrı gələn ilin payızınadək istifadəyə veriləcəkdir. Layihə dəyəri 45 milyon dollar olan bu tikintinin baş podratçısı Fransanın “Buiq” şirkətidir.
Bölmənin digər xəbərləri
