Türkmənistan və Tacikistan qaz və yanacaq nəqli sahəsində əməkdaşlıq edəcəklər
Aşqabad, 6 avqust, AZƏRTAC
Türkmənistan və Tacikistan mayeləşdirilmiş qaz, yanacaq və sürtkü yağlarının nəqli sahəsində əməkdaşlıq edəcəklər.
AZƏRTAC xəbər verir ki, Türkmənistan və Tacikistan prezidentləri arasında aparılan danışıqlar nəticəsində Aşqabadda maye qaz və yanacaq-sürtkü materiallarının daşınması sahəsində əməkdaşlıq haqqında 20-dən çox sənəd imzalanıb.
Həmçinin ölkələr arasında 2021-2023-cü illər üçün ticari-iqtisadi əməkdaşlıq Proqramı, ticarət evlərinin təşkili haqqında Saziş, ticarət dövriyyəsinin 2022-2023-cü illər üçün artırılması haqqında yol xəritəsi, iki ölkənin ticarət-sənaye palataları arasında Sahibkarlar Şurasının yaradılması haqqında Saziş imzalanıb.
Türkmənistan və Tacikistan hökumətləri istehsal, dəmir yolu nəqliyyatı, yük və sərnişin tranziti, turizm, mədəniyyət və incəsənət sahələrində əməkdaşlıq haqqında razılığa gəliblər.
İlahə Əhmədova
AZƏRTAC-ın xüsusi müxbiri
Aşqabad
Bölmənin digər xəbərləri
