U-15 “Bakı” komandası Fransada təlim-məşq toplantısını davam edir
Bakı, 18 noyabr (AZƏRTAC). U-15 “Bakı” komandası Fransada təlim-məşq toplantısını davam edir.
AZƏRTAC xəbər verir ki, futbolçular Parisi gəzmişlər.
Parisə birgünlük ekskursiyadan sonra Lansa qayıtmış komanda üzvləri “Lans” klubunun prezidenti Jerve Martel ilə görüşmüşlər. Klubun prezidenti gəncləri salamlayaraq onlara yüksək idman uğurları arzulamışdır.
Sonra komanda yoxlama oyununa çıxmışdır. “Lans” komandasından olan yaşıdlarla görüş maraqlı keçmiş və 4:0 hesabı ilə fransızların qələbəsi ilə başa çatmışdır.
Komandamızın təlim-məşq toplantısı daha bir həftə davam edəcəkdir.
Bölmənin digər xəbərləri
