UCARDA KONSERV ZAVODU TİKİLİR
AZƏRTAC xəbər verir ki, yerli iş adamına məxsus olan “Saniyə” MMC Ucarda konserv zavodu inşa edir. Bu məqsədlə iki hektar torpaq sahəsi ayrılmışdır. May ayından başlanan tikinti işlərinə 30 nəfərdən çox adam cəlb edilmişdir. Zavod işə düşəndən sonra 100 nəfərdən çox rayon sakini daimi işlə təmin ediləcəkdir.
Tikilməkdə olan konserv zavodunda əvvəlcə meyvə və giləmeyvə şirələri, müxtəlif çeşidli cemlər istehsal olunacaqdır. Zavodda müasir standartlara cavab verən texnoloji avadanlıq quraşdırılacaq ki, bu da yüksək keyfiyyətli məhsul istehsalına imkan verəcəkdir.
Bölmənin digər xəbərləri
