Uduzan namizəd rəqibinin qələbəsini Hitlerlə müqayisə edib
Berlin, 8 fevral, AZƏRTAC
Almaniya Solçular Partiyasının (Die Linke) namizədi Bodo Romelof Türingiya federal əyaləti başçısının seçkilərində məğlub olduqdan sonra xatırladıb ki, nasional-sosialistlərin fəaliyyətə başladıqları ilk vaxtlarda nasistlər ilk dəfə məhz bu torpaqda əyalət hökumətində təmsil olunublar.
AZƏRTAC xəbər verir ki, siyasətçi belə bir gurultulu bəyanatla qalibin adı məlum olandan sonra çıxış edib. Seçkilərdə mühafizəkar Tomas Kemmerix qalib gəlib. “Almaniya üçün alternativ” (AüA) sağçı radikal partiyasının onun namizədliyini dəstəkləməsi bu qələbədə həlledici rol oynayıb.
Kemmerixin qələbəsi Almaniya üçün şok olub. Merkelin partiyası ilk dəfə ölkədə Hitler ideyalarına ən yaxın siyasi qüvvə hesab edilən bir partiya - AüA ilə ittifaq bağlayıb.
Boro Romelof “Twitter” səhifəsində ümidsizlik içində Hitlerin 1930-cu ilin fevralında yazdığı sözləri xatırladıb: “Türingiyada böyük uğur qazanılıb. Bizim köməyimiz olmadan hökumətdə əksəriyyət əldə edilə bilməzdi”.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
