İDMAN
UEFA Avropa Liqası: "Neftçi" və "Şkupi" komandalarının start heyəti açıqlanıb
Bakı, 27 avqust, AZƏRTAC
Avqustun 27-də saat 20:00-da futbol üzrə UEFA Avropa Liqasının birinci seçmə mərhələsi çərçivəsində Bakının “Neftçi” klubu Şimali Makedoniyanın “Şkupi” komandası ilə qarşılaşacaq.
AZƏRTAC xəbər verir ki, "Bakcell Arena"da keçiriləcək oyun üçün komandaların start heyəti açıqlanıb.
"Neftçi"nin start heyətində Aqil Məmmədov, Mamadu Mbodj, Anton Krivotsyuk, Cabir Əmirli, Namiq Ələsgərov, Emin Mahmudov, Yusuf Laval, Stiven Jozef - Monroz, Sabir Buqrin, Mamadu Kane və Tallison Dias yer alıblar.
"Şkupi"nin ilk onbirliyində isə meydana Kristian Naumoski, Darko Qlişiç, Lamin Diyak, Besar Iseni, İlirid Ademi, Besart Krivanev, Umar Qudabi, Dembo Darbo, Sabit Bilali, Filip Qliqorov və Lima Da Silva Neto çıxacaqlar.
Görüşü Latviyadan olan hakimlər briqadası idarə edəcək. Matçın baş hakimi Aleksandr Qolubev olacaq. Ona yan xətt hakimləri Raimonds Tatriks və Jevgenijs Morozovs kömək edəcəklər. Dördüncü hakim funksiyasını Artis Kenins yerinə yetirəcək.
Matçın qalibi ikinci təsnifat mərhələsinə vəsiqə qazanacaq.
Matç “CBC Sport” kanalı vasitəsilə canlı yayımlanacaq.