UEFA Çempionlar Liqası: APOEL-“Qarabağ” oyunu başlayıb
Bakı, 6 avqust, Nicat Məmmədov, AZƏRTAC
UEFA Çempionlar Liqasının 2019-2020-ci il mövsümünün üçüncü təsnifat mərhələsi çərçivəsində avqustun 6-da keçirilən APOEL-“Qarabağ” oyunu başlayıb.
AZƏRTAC xəbər verir ki, Nikosiyadakı “GSP” stadionunda keçirilən görüşdə Ağdam təmsilçisinin heyətində ilk onbirlikdə Vaqner, Maksim Medvedev, Rəşad Sadıqov, Rahil Məmmədov, Ailton Silva, Miçel, Riçard Almeyda, Simon Slavçev, Abdulla Zubir, Mahir Emreli və Xayme Romeo yer alıblar.
Meydan sahibi APOEL-in heyətində isə stadiona Belec, Vuros, Yannu, Merkis, Yakoliş, Mixayloviç, Qendzoğlu, Matiç, Suleyman, De Vinsenti və Pavloviç çıxıblar.
Görüşü İtaliyadan olan hakimlər briqadası idarə edir. Matçın baş hakimi Davide Massadı. Ona həmyerliləri Fabiano Preti və Alberto Teqoni kömək edirlər. Dördüncü hakim funksiyasını Rosario Abisso yerinə yetirir.
Qeyd edək ki, bu komandalar arasında cavab görüşü bir həftə sonra Tofiq Bəhramov adına Respublika Stadionunda keçiriləcək.
Bölmənin digər xəbərləri
