UEFA Konfrans Liqası: “Marsel” klubu “Bazel”i qəbul edəcək
Bakı, 10 mart, Nicat Məmmədov, AZƏRTAC
Martın 10-da UEFA Konfrans Liqasında səkkizdəbir final mərhələsinə start veriləcək.
AZƏRTAC xəbər verir ki, bütün oyunlar eyni gündə keçiriləcək. Qarşılaşmalar Bakı vaxtı ilə saat 21:45-də və 00:00-da başlayacaq.
Gecənin böyük maraq doğuran qarşılaşmalarından biri Fransada baş tutacaq. Pley-off mərhələsində “Qarabağ”ı mübarizədən kənarlaşdıran “Marsel” klubu “köhlən atlar”la eyni qrupda yer almış İsveçrənin “Bazel” komandasını qəbul edəcək.
Bundan başqa, turnirin favoritlərindən hesab edilən “Roma” komandası Niderlandda “Vitess”in qonağı olacaq. İngiltərənin “Lester Siti” klubu isə evdə Fransanın “Renn” kollektivini sınağa çəkəcək.
Günün bütün görüşləri aşağıdakılardır:
PAOK (Yunanıstan) - “Gent” (Belçika);
“Slaviya Praqa” (Çexiya) - LASK (Avstriya);
“Vitess” (Niderland) - “Roma” (İtaliya);
“Partizan” (Serbiya) - “Feyenoord” (Niderland);
“Marsel” (Fransa) - “Bazel” (İsveçrə);
“Lester Siti” (İngiltərə) - “Renn” (Fransa);
PSV (Niderland) - “Kopenhagen” (Danimarka);
“Budyo-Qlimt” (Norveç) - “AZ Alkmar” (Niderland).
Qeyd edək ki, cavab qarşılaşmaları martın 17-də keçiriləcək.
Bölmənin digər xəbərləri
