UKRAYNA AZƏRBAYCANLILARI ƏBƏDİYAŞAR ULU ÖNDƏR HEYDƏR ƏLİYEVİ EHTİRAMLA YAD EDİRLƏR
Səfirliyin əməkdaşları, Ukrayna Azərbaycanlıları Konqresinin fəalları, ruhanilər, Ukrayna ictimaiyyətinin, milli azlıqların nümayəndələri diplomatik nümayəndəliyimizin yanındakı bağçada Heydər Əliyevin abidəsi qarşısına toplaşmışdılar. Onlar xalqımızın böyük oğlunun, dünya şöhrətli siyasi xadimin abidəsi önünə tər çiçəklər düzmüş, ulu öndərin nurlu xatirəsini anmışlar. Mərhumun ruhuna dua oxunmuşdur.
Ölkəmizin Ukraynadakı səfiri Tələt Əliyev çıxışında müstəqil, demokratik, inkişaf edən Azərbaycan dövləti quruculuğunda, ölkəmizin beynəlxalq nüfuzunun bərqərar olunmasında ümummilli lider, dövlətçiliyimizin memarı Heydər Əliyevin müstəsna rolunu xatırlatmışdır. O demişdir ki, xalqımız gələcəyə nikbinliklə baxır, çünki böyük liderin daxili və xarici siyasətini onun layiqli varisi Prezident İlham Əliyev uğurla davam etdirir. Azərbaycan xalqı onun rəhbərliyi ilə demokratiya, sülh və tərəqqi yolu ilə irəliləyir.
Səfir ulu öndər Heydər Əliyevin Ukraynada dəfələrlə görüşdüyü həmvətənlərimizi öz sıralarını bundan sonra da möhkəmləndirməyə, tarixi Vətənlə qırılmaz tellərlə bağlı olan möhkəm, fəal və vətənpərvər ictimai təşkilat ətrafında birləşərək fəaliyyət göstərməyə çağırmışdır.
Bölmənin digər xəbərləri
