UKRAYNA HÖKUMƏTİ HƏLAK OLMUŞ ŞAXTAÇILARIN AİLƏLƏRİNƏ 750 MİN DOLLARDAN ARTIQ VƏSAİT AYIRMIŞDIR
Ukraynanın Nazirlər Kabineti Donbasdakı “Ukrayna” şaxtasında yanğın nəticəsində zərərçəkənlərə və ailələrinə 4 milyon qrivna (təxminən 755 min dollar) vəsait ayırmışdır.
Ukrayna Fövqəladə Hallar Nazirliyinin məlumatına görə, şaxtada yanğının qarşısının alınması və söndürülməsi işləri indiyədək davam edir. Şaxtadan 79 qazmaçı çıxarılmış, onların 9-u xəstəxanaya qoyulmuşdur. Həlak olmuş 35 nəfərin cəsədi də tapılıb çıxarılmışdır.
İTAR-TASS-ın verdiyi xəbərə görə, iyulun 7-də Donetsk vilayətinin Ukraynsk şəhərindəki “Ukrayna” şaxtasında 570 metr dərinlikdə, konveyer lentinin alovlanması nəticəsində yanğın baş vermişdir. Həmin vaxt yerin altında 114 qazmaçı işləyirdi.
Qəzanın səbəblərini araşdırmaq və zərərçəkənlərə, həlak olanların ailələrinə yardım göstərmək üçün Ukrayna baş nazirinin birinci müavini Oleq Dubinanın başçılığı ilə hökumət komissiyası yaradılmışdır.
Bölmənin digər xəbərləri
