UKRAYNA VƏ RUSİYA SİLAHLARIN VƏ HƏRBİ TEXNİKANIN YENİ NÜMUNƏLƏRİNİ YARADACAQLAR
“Ukrspeseksport” dövlət şirkəti baş direktorunun müavini Viktor Zabaranın sözlərinə görə, Ukrayna və Rusiyanın güclü müdafiə sənayesi potensialı var. Ukrayna konstruktor bürolarının və elmi tədqiqat institutlarının silahların və hərbi texnikanın yeni nümunələrinin yaradılmasına dair birgə layihələrdə iştirakı əməkdaşlığın daha məqbul formasıdır. Ukrayna bunun gerçəkləşdirilməsi üçün normativ baza hazırlamaq və qəbul etmək təklifi irəli sürür. Məsələn, Ukrayna müəssisələrinin intellektual mülkiyyət hüququnu saxlamaq şərti ilə, onlara birgə layihələrdə iştirak etmək hüququ verən sazişin imzalanması bu qəbildəndir. Sənəd Ukrayna ekspertləri tərəfindən işlənilmiş və Rusiya nümayəndələrinin müzakirəsinə göndərilmişdir. Birgə elmi tədqiqat və təcrübi-layihə işlərinin görülməsi haqqında saziş imzalanması da təklif olunur.
Bölmənin digər xəbərləri
