Ukraynada karantin mayın 22-dən sonra uzadılacaq
Kiyev, 12 may, AZƏRTAC
Koronavirus pandemiyası ilə əlaqədar Ukraynada tətbiq olunan karantinin müddəti mayın 22-dən sonra uzadılacaq. Çünki ölkə xəstəliyə tutulmanın pik həddindədir.
AZƏRTAC xəbər verir ki, Ukraynanın Baş Naziri Denis Şmıqal bu məlumatı “1+1” telekanalının efirində açıqlayıb.
O bildirib ki, ölkədə karantin müddəti rəsmi şəkildə mayın 22-dək qüvvədə olacaq. Lakin bu tarixdən sonra karantin müddəti uzadılacaq. Hazırda hökumət karantindən çıxmanın hər mərhələsinin planlaşdırılması üzərində işləyir.
Onun sözlərinə görə, Ukrayna xəstəliyin pik nöqtəsinin aşağı düşəcəyi və virusdan sağalananların sayının yeni yoluxanların sayını üstələyəcəyi dönüş mərhələsini hələ keçməyib.
Bununla yanaşı, o qeyd edib ki, son 7-8 gündə Ukrayna yoluxmanın pik səviyyəsindədir.
Xatırladaq ki, Ukrayna hökumətinin qərarı ilə mayın 11-dən karantin tədbirləri yüngülləşdirilir. Lakin ölkədə COVID-19 virusu ilə yoluxanların hələ də yüksək artımı müşahidə olunur. Təkcə son sutkada koronavirusa 375 yeni yoluxma halı aşkarlanıb. Laboratoriya şəraitində təsdiqlənmiş yoluxma hallarının ümumi sayı 16023 nəfərə çatıb. Onlardan 3373 nəfər sağalıb, 425-i isə xəstəliyin qurbanı olub.
Rüstəm Məmmədov
Kiyev
Bölmənin digər xəbərləri
