Ukraynada koronavirusa yoluxma və ölüm hallarının ən yuxarı göstəricisi qeydə alınıb
Kiyev, 21 oktyabr, AZƏRTAC
Ukraynada son sutkada koronavirusa 22 415 nəfər tutulub ki, bu da pandemiya dövründə maksimum göstəricidir.
AZƏRTAC Səhiyyə Nazirliyinin mətbuat xidmətinə istinadla xəbər verir ki, son sutkada Ukraynada koronavirusdan ölənlərin sayı 546 nəfərə çatıb ki, bu da yeni antirekord göstəricidir.
Koronavirusa yeni yoluxanların 4892-si xəstəxanaya yerləşdirilib, 8036 nəfər isə müalicəsini başa vurub. Ən çox yoluxma Xarkov, Odessa və Jitomir vilayətlərində qeydə alınıb.
Ümumilikdə pandemiya dövründə Ukraynada 2 701 600 nəfər koronavirusa yoluxub, onlardan 2 352 835 nəfəri sağalıb, 62 389-u həyatını itirib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
