UKRAYNADA POLİSLƏR HAZIRLAYAN REGİONAL TƏLİM MƏRKƏZİ YARADILACAQ
AZƏRTAC-ın xüsusi müxbiri xəbər verir ki, Ukraynada dünyanın müxtəlif ölkələri üçün polislər hazırlayan mərkəz yaradılacaqdır. Bunu Beynəlxalq Kriminal Polis Təşkilatının - İnterpolun baş katibi Ronald Noubl noyabrın 7-də Ukraynanın daxili işlər naziri Yuri Lutsenko ilə görüşündən sonra bildirmişdir.
Noubl demişdir ki, nazir Ukraynada müxtəlif ölkələr üçün polis kadrları hazırlanmasına dair regional təlim mərkəzinin yaradılması ideyası ilə razılaşmışdır. Ukraynanın bu sahədə böyük potensialı və ixtisaslı kadrları var. Onun fikrincə, Ukrayna Şərq və Qərb ölkələri nümayəndələrinin özlərini rahat hiss edəcəkləri bir ölkədir.
Bölmənin digər xəbərləri
