UKRAYNALI HƏMKARLARLA TƏCRÜBƏ MÜBADİLƏSİ
Azərbaycan Mərkəzi Seçki Komissiyasının üzvləri Validə Kazımova və İlham Məmmədov təcrübə mübadiləsi məqsədi ilə Kiyevə gəlmişlər. Onlar Avropanın bu ən iri ölkələrindən birində prezident seçkilərinin informasiya-analitik təminatı, “Ukrayna Prezidenti seçkiləri” sisteminin fəaliyyəti və başqa məsələlərlə tanış olacaqlar.
Azərbaycan nümayəndələri Ukrayna MSK-nın sədri M.Ryabtsla görüşmüşlər. Söhbət zamanı qarşılıqlı maraq doğuran məsələlər barədə fikir mübadiləsi aparılmışdır.
MSK üzvləri ölkəmizin səfirliyində də olmuşlar.
İ.Məmmədov AZƏRTAC-ın müxbiri ilə söhbətində demişdir ki, həmkarlarla hər bir görüşdə Ukrayna tərəfi Azərbaycanda bütün səviyyələrdə keçirilən seçkilərdə demokratiyanın, şəffaflıq və azadlığın yüksək səviyyədə olduğunu bildirmişdir.
Zeynal Ağazadə
AZƏRTAC-ın xüsusi müxbiri
Kiyev
Bölmənin digər xəbərləri
