UKRAYNANIN MÜDAFİƏ NAZİRİ İSTEFA VERMİŞDİR
Prezidentin mətbuat xidmətinin məlumatında deyilir ki, L.Kuçma Müdafiə Nazirliyinin işi ilə bağlı dəfələrlə narazılığını bildirmişdir. Avqust ayında Prezident Sevastopoldakı Balaklav buxtası zonasının silahsızlaşdırılması, ekoloji vəziyyətinin yaxşılaşdırılması, iqtisadi, sosial və mədəni inkişafı haqqında tapşırıqları yarıtmaz yerinə yetirdiyi üçün Marçuka töhmət elan etmişdi. İyunda da işindəki ciddi nöqsanlara görə Prezident nazirə töhmət vermiş və partlayış təhlükəsi olan cəbbəxanaların, bazaların və silah anbarlarının vəziyyəti üçün şəxsən məsuliyyət daşıdığı barədə ona xəbərdarlıq etmişdi.
68 yaşlı Marçuk müdafiə naziri vəzifəsinə 2003-cü ilin iyununda təyin olunmuşdu. O, əvvəllər Ukrayna Milli Təhlükəsizlik və Müdafiə Şurasının katibi işləmişdir.
