“ÜMİDLİ GƏLƏCƏK” UŞAQ HÜQUQLARINA DAİR TRENİNQLƏR KEÇİRİR
“Ümidli gələcək” Gənclər Təşkilatı Təhsil Nazirliyinin, YUNİSEF-in Bakı nümayəndəliyinin dəstəyi ilə Bakı, Qəbələ, Masallı, Quba və Şəki şəhərlərində metodistlər, müəllim və şagirdlər üçün uşaq hüquqlarına dair treninqlər keçirməyə başlamışdır. 2 ay üçün nəzərdə tutulmuş layihə 350-dən artıq adamı əhatə edəcəkdir. Treninqlərin gedişində müxtəlif tədris-metodiki vəsaitlərdən, o cümlədən Təhsil Nazirliyinin YUNİSEF-lə birgə hazırladığı “Uşaq haqları əlifbası”ndan istifadə olunacaqdır.
“Ümidli gələcək” təşkilatının ofisindən AZƏRTAC-a bildirmişlər ki, treninqlər oyun formasında keçiriləcəkdir ki, onun iştirakçıları uşaq haqlarının hər bir tərkib hissəsini daha aydın duysunlar, onların kim tərəfindən və necə pozulduğunu anlasınlar və belə pozuntuların qarşısının alınması üsullarını öyrənsinlər.
Bölmənin digər xəbərləri
