“Unibank” elektron arayışla kredit almaq istəyənlərin işini daha da asanlaşdırıb
Bakı, 13 yanvar, AZƏRTAC
“Unibank” elektron arayışla kredit almaq istəyənlərin işini daha da asanlaşdırıb. Artıq müştərilər evlərindən, iş yerindən e-gov.az portalında qeydiyyatdan keçərək, kredit almaq üçün fərdi arayış ilə “Unibank”a göndərə biləcəklər.
Bankdan AZƏRTAC-a bildiriblər ki, müştərilər daha e-gov.az saytında qeydiyyatdan keçdikdən sonra istifadəçi adını və parolu zərfdə saxlamağa ehtiyac yoxdur. Vətəndaşlar bankın filiallarında elektron hökumət portalında qeydiyyatdan keçdikdə, parol dərhal SMS-lə onların mobil telefonuna gələcək. Məlumat Hesablama Mərkəzi və bankın uğurlu əməkdaşlığının nəticəsi sayəsində vətəndaşların e-gov.az portalından daha rahat istifadəsinə imkan verəcək.
Xatırladaq ki, “Unibank” Rabitə və Yüksək Texnologiyalar Nazirliyinin Məlumat Hesablama Mərkəzi (MHM) arasında imzalanan müqaviləyə əsasən, bank 3 aya yaxındır ki, “Elektron Hökumət” portalı ilə əməkdaşlığa başlayıb. Bu əməkdaşlıq sayəsində vətəndaşlar kreditin rəsmiləşdirilməsi üçün elektron arayışdan istifadə edə bilərlər.
Elektron hökumət portalına daxil olmaq üçün elektron imza sertifikatı, ASAN imza və ya kod parollardan istifadə etmək olar.
Bölmənin digər xəbərləri
