UNİCEF ALTMIŞ İLLİK YUBİLEYİNİ QEYD EDİR
60 il əvvəl - II Dünya müharibəsindən sonra yaranan YUNİCEF bu gün 156 ölkədə fəaliyyət göstərir və körpələrdən yeniyetmələrə qədər milyonlarla uşağa yaşamaq və böyüməkdə köməklik göstərir. İndiyədək beynəlxalq təşkilat difteriya, qızılca, göyöskürək, poliomelit, vərəm və tetanus kimi xəstəliklərə qarşı ümumdünya immunlaşdırma kampaniyaları aparmaqla hər il milyonlarla uşağın həyatını xilas etmişdir. Təşkilatın xətti ilə uşaqlara A vitamini əlavələrinin verilməsi uşaq ölümü faizinin yüksək olduğu ərazilərdə ölüm hallarının 25 faiz azalmasına kömək etmişdir. İnkişaf etmiş ölkələrin ən böyük peyvənd təchizatçısı olan YUNİCEF uşaq sağlamlığı və qidalanmasını, təmiz su və sanitariya qaydalarını, bütün qız və oğlanlar üçün keyfiyyətli təhsilin təşkilini, uşaqların zorakılıq, istismar və QİÇS-dən qorunmasını dəstəkləyir.
Bölmənin digər xəbərləri
