UNİVERSİTETLƏRİN TƏLƏBƏ GƏNCLƏR TƏŞKİLATLARININ GÖRÜŞÜ KEÇİRİLMİŞDİR
Bakı, 19 oktyabr (AZƏRTAC). “Gənc Liderlər” Uşaq və Gənclər Təşkilatının (UGT) təşəbbüsü ilə Azərbaycanda fəaliyyət göstərən 19 universitetin Tələbə Gənclər təşkilatlarının (TGT) görüşü keçirilmişdir.
«Gənc Liderlər» UGT-nin sədri Fərid Şahbazlı tədbiri açaraq ölkəmizdə həyata keçirilən gənclər siyasətinin əsasını tələbələrin təşkil etdiyini vurğulayaraq, onların birləşdikləri tələbə gənclər təşkilatlarının fəaliyyətlərinin daha da təkmilləşdirilməsinin zəruriliyini qeyd etmişdir. TGT-lərin fəaliyyətlərini daha geniş miqyasda qurmalarının əhəmiyyətini vurğulayan F.Şahbazlı TGT-lərin böyük ictimai arenaya və mediaya inteqrasiyasının sürətləndirilməsi işinə «Gənc Liderlər»in istənilən dəstəyi verməyə hazır olduğunu vurğulamışdır.
Çıxış edən digər natiqlər də TGT-lərin fəaliyyətlərinin gücləndirilməsinin vacib olduğunu qeyd edərək, bütün istiqamətlər üzrə tədbirlərin reallaşdırılmasının uğurlu nəticələr verəcəyini diqqətə çatdırmış və qeyri-hökumət təşkilatlarının dəstəyinin bir sıra problemlərin həllində müsbət rol oynaya biləcəyini vurğulamışlar.
Görüş TGT-lərin vəziyyəti ilə bağlı müzakirələrlə davam etmişdir.
Bölmənin digər xəbərləri
