Urbanizasiyanın şəhər torpaqlarına təsiri haqqında monoqrafiya nəşr edilib
Bakı, 30 dekabr, AZƏRTAC
Elm və Təhsil Nazirliyi Mikrobiologiya İnstitutunun Torpaq mikrobiologiyası laboratoriyasının aparıcı elmi işçisi Aygün Qasımovanın “Urbanizasiyanın Bakı şəhər torpaqlarının öz-özünü təmizləmə qabiliyyətinə təsiri (Yasamal rayonunun nümunəsində)” adlı monoqrafiyası işıq üzü görüb.
Bu barədə AZƏRTAC-a institutdan məlumat verilib. Bildirilib ki, monoqrafiya urbanizasiyanın şəhər torpaqlarına təsirinin tədqiqinə həsr olunub.
Kitabda şəhər torpaqlarının biogenliyini əks etdirən mikrobioloji və biokimyəvi göstəricilərə çirkləndiricilərin təsirinin qiymətləndirilməsi haqqında məlumat öz əksini tapıb. Torpaq örtüyünün öz-özünü təmizləmə qabiliyyətinin istiqamətli idarə edilməsi məqsədilə ikincili resurslardan istifadə imkanlarının əhəmiyyəti göstərilib.
Kitab mikrobiologiya, torpaqşünaslıq və ekologiya sahəsində elmi fəaliyyətlə məşğul olan mütəxəssislər, həmçinin ətraf mühitin mühafizəsi tədbirlərində elmi vəsait olaraq istifadə üçün nəzərdə tutulur.
Bölmənin digər xəbərləri
